Sare sozialak eskoletan

E.A.E.-ko eskoletan sare sozialetan sartzea debekaturik dago, izan ere, Hezkuntza Kontseilaritzak horrela erabaki zuen, ikasleek, ordenagailuak eta informatika orduak aprobetxatuz denbora galdu ez zezaten.

Izan ere, ikerketa batzuren arabera, 11 eta 20 urte bitarteko ikasleen %92ak erabiltzen ditu, eta hauen artean arrakastatsuena Tuenti da, %69ko portzentaiarekin, Messenger eta Facebook bezalako sare sozial garrantzitsuen aurretik.

Gainera, sare sozial hauen erabiltzaile diren ikasle hauek, identitate propio batekin (ez ezkutuarekin) egiten dute erabilpen hau eta aztertutako kasuen %49an egunero egiten dute.

Egoera ikusirik, ez da harritzekoa eskolek sare sozialen erabilpena debekatu izatea, ezienzkoa baita klasean ikasle bakoitzak egiten duena irakasleak kontrolatzea, eta seguruenik gazteei tentagarriegi egiten zaie bertara sartzeko aukera.

Baina, hezkuntzaz haratago, sare sozial hauen bidez, gazteek gurasoen kanpo eta betidanik izan dituzten arau restrikziogileen kanpo  daudela sentitzen dute, eta haien artean hitz egiteko eta elementu ezberdinak partekatzeko aukera ematen diete; gainera, bide batez, inplizituki formato digitala menperatzen laguntzen dute.

Dena den, gazteentzako paradisu konfidentziala den sare hori batzuetan perbertsio askoren gordeleku izatera pasatzen da, eta bullyinga bezalako fenomenoak aurrera eramateko eremu ezin hobea dira, helduen esku hartzea ekiditen duelako.

Honelako erabilpen desegokiak ekiditeko, egin behar duguna, ez da guraso batzuk egin ohi duten bezala, guk bertan identitate faltsu bat sortu haurrak zelatazeko, baizik eta gure ikasle eta haurrak konpetentzia digitaletan hezi behar ditugu. Hau da, sare sozialen kasuan, erabilera errespontsablea izaten erakutsi behar diegu, haien aukerak murriztu gabe, baina, edozein egoera edo elementu desegoki salatzen eta ekiditen erakutsi behar diegu, baina, horretarako lehenengo, guk helduok heldu behar diogu bide horri.

Hona hemen zenbait informazio gehigarri

Eskola 2.0-ren emaitzak

Eskola 2.0, hezkuntza sistema eguneratzeko asmoz egindako hezkuntzaren digitalizaziorako pauso bat izan zen. Bestalde, hezkuntza komunitateko partaideen (ikasle irakasle eta gurasoen) konpetentzia digitalak garatzeko tresna bezela erabilitako plana zen, baina, martxan jarri ondoren ohartzen hasi gara espero genituen emaitzak ez direla lortzen ari, eta hau zenbait arrazoiengatik izan da.

Lehenik, eskoletan ordenagailuak banatu zituen gobernuak, 5.mailako ikasleentzako hasiera batean, baina, ez zitzaion inori horiek erabiltzeko argibiderik eman. Ondorioz, ordenagailu guzti horiek "aparatu" erabil ezinetan bihurtzen dira. Horren ondorioz, irakasle askok, egoera ezin kontrolagarriaren aurrean, ordenagailuak alde batera utzi dituzte.

Bestetik, ordenagailuak erabili ahal izateko, zenbait aplikazioren diseinua behar dugu lehenago, eta kasu honetan, Eskola 2.0-ren kasuan editorialei eskatu zaie lan hau, irakasleen lan propio eta askeak alde batera utziz, teorian, ez baitatoz Eskola 2.0-ren helburuekin.

Horretaz gain, Vodafone multinazionalarekin akordio bat egin da eskolatik kanpoko konexioa emateko ikasleei bere ordenagailu berrietan, etxeko lan hauen aplikazio eta helburu erreala kontuan hartu gabe.
Irakasleen kasuan ere, ez zaie formaziorik eman eta gauza egoki edo normaltzat hartzen da ikasleak irakasleak baino hobeto maneiatzea teknologia berriak, baina hori alda daitekeen zerbait da.

Beraz, ondorioa honakoa da; ikerketen arabera teknologia berriek eta euskarri digitalek, haiek bakarrik, ez dakarte inolako onurarik hezkuntza prozesuari, metodologia aldaketa bat gertatu ezean, eta Eskola 2.0 proiektuan aldaketa hori ez da inondik ere agertzen.

Hortaz, esparru honetan aldaketa bat eragin dezakeen gauza bakarra irakasleen eta hezkuntza sistemako partaide guztien boluntariotza eta aldatzeko gogoa da.

Hona hemen eta hemen zenbait informazio gehigarri

Sekuentzia didaktikoa: albisteak

HELBURU OROKORRAK.

1- Gizarte-hedabideak, informazio- eta komunikazio-teknologiak eta beste iturri batzuk erabiliz komunikatzea eta lankidetzan aritzea, informazioa lortzea, hautatzea eta prozesatzea, eta jakintza eraikitzea eta bizitza sozialean parte hartzea.

2- Ikasgelako eta komunitateko hizkuntzen aniztasunari aitorpena eta balioa ematea, hizkuntza- aniztasunekiko jarrera ona edukitzeko, euskara erabiltzeko eta hizkuntza gutxitua normalizatzearen aldeko jarrera izateko. Horrekin batera, hizkuntza guztiak komunikazio-tresna egokitzat eta kultura-ondaretzat hartu behar ditu ikasleak.

3- Jarrera ona eta konfiantza edukitzea norberak ikasteko duen ahalmenean, eta horrela komunikatzeko gaitasuna hobetzea.

HELBURU ESPEZIFIKOAK:

1-Diskurtso idatziak, ulertzea eta interpretatzea, ulerpen hori albiste eta ikaskuntza egoera berriei aplikatzeko.

2-Albisteak egiteko hizkuntza egokitasunez, koherentziaz eta zuzentasunez erabiltzea, idatziz, albisteetarako komunikazio premia guztiak behar bezala betetzeko.

3-Gizarte-hedabideak, informazio eta komunikazio teknologiak eta beste iturri batzuk erabiliz komunikatzea eta lankidetzan aritzea, albisteen inguruko informazioa lortzea, hautatzea eta prozesatzea, eta hauen gaineko jakintza kritiko bat eraikitzea.
4- Albisteetan hizkuntza tresna euskara erabiltzea, bere erabilera bultzatu eta bide batez, hizkuntza gutxitua normalizatzearen aldeko jarrera izateko.

5- Jarrera ona eta konfiantza edukitzea albisteak egiteko ahalmenen eta horren bidez kritikarako zein komunikaziorako gaitasuna hobetzea.

EDUKIAK

KONTZEPTUZKOAK:
 Albisteen  edukiaren alderdi nagusiak bereganatzea.

Albisteen ezaugarriak ezagutzea: solaskideak, helburua, gaia, testuaren egitura.

Teknologia berrien erabilpen ezberdinez ohartzea.
 

PROZEDURAZKOAK
 Albisteak ulertzeko estrategiak erabiltzea eta horien transferentzia egitea:  albisteen gaia, zentzu orokorra eta ideia nagusia identifikatzea. Funtsezko informazioa eta funtsezkoa ez dena bereiztea.

Prentsa idatziko albisteetako ereduak eman eta horiek aztertuz, albiste berriak sortzea euskarri eta formatu teknologiko ezberdinak erabiliz.

Albisteetako testu ezberdinak interpretatzea.

Idatzizko albisteetan testuaren antolaketa eta eraketa aintzat hartzea: egitura eta paragrafoak.

Oinarrizko hizkuntza-terminologia ulertzea eta erabiltzea, testuak sortzeko eta interpretatzeko

JARRERAZKOAK

Gogoz parte hartzea taldeka egindako albisteak guztien artean berrikustean; eztabaidarako eta kritikarako jarrera bultzatuz.

Albistea egiterako garaian laguntzazko eta errespetuzko jarrera edukitzea, bai komunikazio-trukean, bai denen artean ikasterakoan.

Materialarekiko errespetua eta jarrera aktiboa hau erabiltzean.

JARDUERAK

LEHENENGO JARDUERA: Albiste bat egitea

Jardueraren helburua:

Helburua ikasleak hasieran duen jakintza maila neurtu eta lehenengo albiste honen eta azkeneko albistearen artean egon den progresioa ikustea izango da, bide batez ordenagailuarekin lehen kontaktu bat eginez.

Jardueraren deskribapena:

Hasiera batean gaiaren aurkezpen bezala, internet bidez aurkitutako albisteak gelara ekartzeko esango diegu. Horien ezaugarriak gainetik ikusi eta gero lehenengo jarduera bezala ordenagailuz (word-ean) albiste bat egiteko eskatuko diegu, gaia irakasleak zehaztua izango delarik.

Behar dugun materiala:

Ordenagailu bana edo egon ezean, bikoteko ordenagailu bana erabiliko da.

Denbora:

Klase ordu bat utziko diegu ikasleei. Bukatuko ez balute, hurrengo klasearen 15 minutu hartuko ditugu.

BIGARREN JARDUERA:  Albisteetan murgilduz

Jardueraren helburua:

Albiste ezberdinak aztertu beharko dituzte; mota ezberdinak daudela konturatzeko, albisteetan agertzen diren ezaugarri ezberdinak ezagutzeko eta albisteen mezua interpretatzen jakiteko.

Jardueraren deskribapena:

Etxetik bakoitzak albiste bat ekarriko du; interneten aurkitua ez bada, aldizkariren batetik, egunkaritik… Klasean bakoitzak berea aztertuko du, eskainiko zaien taula betez; zer azaldu nahi du? Baloreren bat bultzatzen al du? Zein aspektuk erakarri zaitu gehien? Eta zein esaldik? Zergatik aukeratu duzu hau?

Bakoitzak bere albistearen gaineko azterketa egin ondoren, talde txikitan bildu eta denen artean, horien gainean eztabaidatu.

Behar dugun materiala:

Internetetik, egunkarietatik, aldizkarietatik… albisteak hartuko dituzte. Irakasleak banatuko duen taula orria bete beharko dute, balorazioa egiteko.

Denbora:

Ordubeteko saio batean egingo da.

HIRUGARREN JARDUERA :Irudien eta hitzen mundua

Jardueraren helburua:

Jarduera honen helburua irudiak eta testuak albiste batean duen garrantziaz jabetzea izango da.

Jardueraren deskribapena:

Bigarren jarduera honetan ere albistea prestatu beharko dute, baina aldaera ezberdinak jarriko dizkiegu. Lehenengo aldaera inongo testurik gabeko  albiste bat sortzea izango da, soilik irudiak erabili beharko dituztelarik, horretarako, internet bidez edo aldizkarietan aurkitutako argazkiak erabiltzeko aukera emango diegu. Bigarren aldaera irudirik gabeko albistea egitea izango da, soilik testua erabilita.

Behar dugun materiala:

Jarduera hauek egiteko behar dugun materiala honakoak izango dira: egunkariak, ordenagailua, interneteko baliabideak…

Denbora:

Klase ordu batekin nahikoa izango da jarduera hau burutzeko.

LAUGARREN JARDUERA: Zein aukeratuko zenukete?

Jardueraren helburua:

Helburua ikasleak albiste on batek izan dezakeen indarraz ohartzea izango da. 

Jardueraren deskribapena:

Irakasleak bi  gai ezberdinen  inguruko albisteak bilatuko ditu interneten. Gai baten albistea oso landua egongo da eta bestearena sinpleagoa izango da. Ikasleek bi albisteak aztertu eta irakasleak galdera batzuk egingo dizkie. Zein albiste sinetsiko zenukete? Zergatik? Ze ezaugarri ditu batek? Ze ezaugarri falta zaizkio besteari?

Behar dugun materiala:

Ordenagailua.

Denbora:

Klase ordu bat utziko diegu ikasleei.

BOSTGARREN JARDUERA: Irudia.

Jardueren helburura:

Beraiek egingo duten albistearentzako irudia lortzea  izango da helburua.

Jardueraren deskribapena:

Azkeneko albistean erabiliko duten irudia lortzea izango da jardueraren egitekoa. Horretarako irakasleak ikasleekin batera  bide ezberdinak aztertuko ditu. Ondoren, bikote bakoitzak gustukoena duen baliabidea erabiliko du.

Behar dugun materiala:

Argazki kamerak, ordenagailuak, papera eta margoak.

Denbora:

Klase ordu bat.

SEIGARREN JARDUERA: Albistearen egitura 
Jardueraren helburua:

Albiste baten egiturari erreparatu eta bere atalak behatu.

Jardueraren deskribapena:

Albiste baten egiturari erreparatzeko, Mindomo erabiliz, aukeratutako albiste bati buruzko mapa kontzeptuala osatuko du ikasle bakoitzak.

Behar dugun materiala:

Ordenagailua eta nahi izanez gero aldizkariak edo egunkariak… 
Denbora:

Klase ordu batean burutuko dute.

ZAZPIGARREN JARDUERA: Albistea egitea.

Jardueraren helburua:

Jardueraren helburua sekuentzia didaktikoan zehar ikasitako guztia praktikan jartzea izango da.

Jardueraren deskribapena:

Aurreko jarduerekin lortutako informazio guztia albiste batean bildu beharko dute. Bakoitzak aurretik aukeratutako irudiaren inguruko albiste landu bat egin beharko du word-en aplikazio ezberdinak erabiliz.

Behar dugun materiala:

Ordenagailua eta bertako baliabideak.

Denbora:

Bi ordu utziko dizkiegu.

Ebaluazio irizpideak:

	Albiste batean agertzen diren elementu ezberdinen arteko loturaz jabetzea.	Irudien esanahia ulertzea.	Albiste batek eguneroko bizitzan izan dezakeen eragina ulertzea.	Testu nahiz irudiaren arteko lotura egokia ezartzea.	Albisteen egituraren ezagutza.	Materialarekiko errespetua.
1.Ikaslea
2.Ikaslea
3.Ikaslea
4.Ikaslea
5.Ikaslea
6.Ikaslea

Wikileaks

Sarrera eta justifikazioa:

Gai hau aukeratu dut, gaur egun teknologia berriek, informazioaren gizartean duten botereaz jabetzeko aproposa iruditu zaidalako eta ezinbesteko gai bat iruditzen baitzait egungo egoera politiko eta ekonomikoa ulertzeko.

Hausnarketa:

Wikileaks izeneko informazio alternatiboa eskaintzen duen web orria, izugarrizko oihartzuna ari da lortzen mundu osoan, gobernu ezberdinen buruzko informazio sekretuaren buruzko argitalpenak direla eta.

Guzti honek planteatzen digun lehen galdera hurrengoa da: Zilegi al da gobernuaren informazio sekretua argitaratzea?

Nire uste apalean guztiz zilegi da. Izan ere, gobernuak, hiritarrak errepresentatzen dituen organismo bezala, ezin dezake hiritarrei ezkutaturiko informaziorik eduki.

Baten batek esan dezake, informazio guzti hori bat batean hiritarren esku utziko balitz, egoera kaotikoa izango litzatekeela, baina horrek ez du justifikatzen hiritarroi informatzeko eskubidea kendu izana. Munduko biztanle guztiok daukagu munduan gertatzen denaz jabetzeko eskubide berdina, informazioa eskubide bat baita, eta gaur egun internet da informazioaren trafikorako eta boterearen kontrako arma nagusia.

Beharbada, ustekabean gertatu den informazio jario hau, mobilizazio edo akzio handiago baten hasiera besterik ez da. Gaur egungo gobernu opakoen eta interes ezberdinek bultzaturik gertatzen den korrupzio gero eta handiagoarekin bukatzeko. Baina ez hori bakarrik, maila sakonago batean, globalizazio eta kapitalismo itsuaren aurrean pizten ari den mugimendu sozial baten iratzargailua izan daiteke.

Esan daiteke, munduaren gaur egungo antolaketa ez dela egokia, eta ez dute behar bezala funtzionatzen, izan ere, dirua da helmuga eta helburu bakarra, eta bizitzako esparru gehienak honen menpe daudela konturatzen ari gara. Azken finean, denak gaude oligarkia txiki baten anbizioaren menpe, eta haien aberasterako balio ez duena txartzat azaltzen digute gizarteko esparru ezin irudikagarrienetan ere.

Hementxe aurki dezakezue informazio gehigarri gehiago

Voki tutoriala

Watch live streaming video from imaunai at livestream.com

Pixton tutoriala

imaunai on livestream.com. Broadcast Live Free

Blogger tutoriala

Watch live streaming video from imaunai at livestream.com

Mindomo tutoriala

Watch live streaming video from imaunai at livestream.com

Scratch tutoriala

Watch live streaming video from imaunai at livestream.com

Mindomo: Intsektuen erreinua

Helburu didaktikoak:

Animalien eta bereziki intsektuen arteko ezberdintasunak ezagutzea.

Ideien eta gaien hierarkizazioaz jabetzea.

Intsektuen arteko identifikazioak egitea.

Formato eta euskarri berriak ezagutzea.

Abantailak:

Irudien bidezko eta grafikoen bidezko ikasketa interesgarriagoa gertatzen da.

Ideien arteko hierarkizazioa argi edukitzeko eta grafikoki interpretatzeko oso lagungarria da.

Gaiari buruz egiten den irudikapen mentala zehatzagoa eta objektiboagoa da.

Baliabideak:

Mindomo erabiltzeko, ordenagailu baten beharra bakarrik daukagu, hala ere, informazioa aurkitzeko orduan, internetetik aparte beste baliabide batzuk erabil ditzakegu: aldizkariak, entziklopediak...nahiz eta hauek ere interneten egon, ikuspegi ezberdin bat eman diezagukete eta. Bestalde, egin beharreko gauza bakarra mindomoren web orrian erregistratzea eta mindomo programa doainik deskargatzea izango da.

Scratch | Proyecto | Scratch poligonoak

Scratch | Proyecto | Scratch poligonoak

Helburu didaktikoak:

 Poligonoen ezaugarriak ezagutzea.

Formato ezberdinak ezagutzea

Poligonoak eta haien izenak identifikatzen ikastea

Abantailak:

Marakagailu bidezko ariketa izanik, ikaseek gogo gehiago jartzen dute, emaitza onena lortzearren.

Formato dinamiko eta interaktiboa da, ikasleen parte hartze aktiboa eskatzen duena.

Baliabideak:

Scratch programa erabiltzeko, lehenik programaren artxiboa deskargatu eta instalatu beharra dago. Behin programa jaitsirik (doainik da), Scratch-en web orrian sartu eta erregistratu beharra dago, modu honetan egiten ditugun lanak partekatzeko. Beraz ordenagailuaren baliabideekin nahikoa izango dugu.

Arrazismoari buruzko komikia

Helburu didaktikoak:

Gaur egun bizirik dirauen arrazismoaren arazoaz jabetzea.

Besteekiko errespetua lantzea eta diskriminazioa ekiditea.

Komikien lengoaiaz eta egituraz jabetzea.

Abantailak:

Arrazismoa bezalako gai deserosoak lantzeko modu dibertigarri eta berria da.

Irudi eta egoera errealen bidez, ikasleek hobeto barneratzen dituzte landu beharreko kontzeptuak.

Gai mardul bat lantzen dugun bitartean, beste formato eta euskarriak ezagutu ditzakegu.

Baliabideak:

Programa edo aplikazio hau erabiltzeko nahikoa da internet konexioa duen ordenagailu bat edukitzearekin. Izan ere, Pixton erabili ahal izateko behar dugun gauza bakarra, web orrian erregistratzea eta aurretik posta elektroniko helbide bat edukitzea da.

PISA 2010

Justifikazioa:
Gaur egungo hezkuntzaren munduan garrantzia handia duen ekitaldia izaten da PISA informaren argitalpena eta Espainiaren kasuan gure hezkuntza sistemaren funtzionamendu akademizista agerian jartzen du.

Hausnarketa:

2009ko PISA informearen arabera, Espainiako hezkuntza sistemaren hobekuntza bat egon da OCDE-ko tendentzia jarraituz.

Aurtengo informean, bereziki irakurketarekin eta ulermenarekin zerikusia duten konpetentziak aztertu dira, eta Espainiak 481 puntu atera ditu, hau da, 6tik 3ko kalifikazioa lortu du eta OCDEko median kokatzen da, 2006an baino gehiago eta modu honetan, Estatu Batuak, Erresuma Batua eta Alemania bezalako estatuen mailaren parean jarri da.

Gainera, ikasleen %80ak, frogetan, emaitza altuak edo ertainak lortu ditu eta %20ak emaitza baxuegiak. Bestalde, matematika arloan hobekuntza txiki bat egon da eta zientzia arloan 2006an lortu ziren emaitzen oso antzekoak lortu dira.

PISA informeak, ikusi dugun bezala, arlo ezberdinetan lortu diren emaitzei buruzko datuak ematen ditu era bateratu batean eta zonaldeka zatiturik.Bertan egiten diren azterketen bidez, gure hezkuntza praktika atzeratua eta garaiz kanpokoa dela ondorioztatu daiteke.

Izan ere, pertsona ororen hezkuntza prozesuan,praktika oso erredundanteak eta monotonoak egiten dira, aplikazio praktiko zuzenik gabeak, eta eduki ezkero hura esplizitatu gabeak. Horrek autonomiaren murriztea dakar, eta eskolako praktikak bizitzarekin eta gizartearekin zerikusirik ez duten zerbait bezala ikustera bultzatzen gaituzte.

Hori da, nire ustez informe honek agerian uzten duen akats eta anakronismo larria, sistema dinamikoago eta anitzago baten faltan gaude, eta orain da momentua hau aldatzen hasteko. Eskola gizarteko organismo nagusietako bat da eta honekin eskutik egin behar du bere ibilbidea; bestela ezer ezean geratzen da bere funtzio hezitzailea.

Gaiari buruzko zenbait informazio hemen eta hemen

Hizkuntza arloan euskara eta gaztelania maila berdinean

 Justifikazioa:

Gai hau aukeratu dut, Euskal Herriko errealitatean eragin zuzena duelako eta bereziki hezkuntzaren munduan zentraturik dagoelako. Bestalde, hizkuntzaren tratamenduaren inguruko zenbait intentzio, nire ustez gaitzezgarri agertzen ditu, beraz honen inguruan hitz egitea erabaki dut.

Hausnarketa:

Eusko Jaurlaritza garatzen ari den Euskal Curriculumari buruzko aldaketak jakinarazi ditu gaur Isabel Zelaa Eusko Jaurlaritzako Hezkuntza sailburuak eta besteak beste, euskara eta gaztelania maila berean egongo direla adierazi du, "orain arteko doktrinatze nazionalista oro ekiditeko".

Horrela, euskara ez da hezkuntzako hizkuntza nagusia izango, Zelaaren ustez, euskara hizkuntza nagusi izateak gaztelera hizkuntza nagusi duten herritarren %80 baztertzen duelako eta egoera horrek hizkuntzen errealitatea ukatzen duelako. "Behargabeko ofentsa da", haren arabera. Hezkuntza arloan euskara hizkuntza nagusia izateko erabakia Juan Jose Ibarretxe Eusko Jaurlaritzako lehendakari zenean adostu zuten.

Hala ere, Hezkuntza sailburuak azaldu du euskara eta gazteleraren arteko berdintasunak ez duela D ereduan -euskarazkoan- eragingo "hizkuntza bakoitzaren tratamendua ikastetxeak aukeratuko du, duen hizkuntza proiektuaren arabera".

Euskal Herria terminoari dagokionez, eskola liburuetan ematen zaion hizkuntza eta kultura erabilera mantenduko dute, baina "politiko-administratiboan Euskadi-gatik edo Euskal Autonomia Erkidegoa-gatik" ordezkatuko dute.

Horrez gain, "giza-eskubideak eta biktimekiko enpatia" oinarri izango duen hezkuntza bultzatuko du Jaurlaritzak. Indarkeria eta terrorismoa baztertze aldera, ikastetxe guztiek bakea, elkarbizitza eta giza duintasunaren alde lan egin beharko dutela biltzen da Zelaak aurkeztu duen testuan.

Hezkuntza sailburuak aurkeztutako proiektua Araba, Bizkaia eta Gipuzkoako Eskola kontseiluan aztertuko dute eta ondoren, Jaurlaritzako Kontseiluak onartu beharko du. Plan berria datorren urtean martxan jartzea espero dute.

Benetako elebitasunaren alde azken urteetan egin diren aurrerapausoak arriskuan jartzea egotzi dio Ikerne Badiola EAko komunikazio idazkariak Isabel Zelaari. Gainera, EAk espero du, EAEko Eskola kontseiluak "erantzun sendoa" emango diola Hezkuntza sailburuari eta esandakoa zuzentzera behartuko duela.

Arduragabekeri larritzat jo du Jaurlaritzak hezkuntza arloan euskara eta gaztelera maila berean jartzeko asmo hori, "desoreka ekarriko duelako euskararen kalterako". Badiolaren arabera, euskara indartu egin behar da eta horregatik hezkuntzako hizkuntza nagusia izan behar du, "ez bakarra, baina bai nagusia". Eta elebitasunaren printzipioen arabera hezkuntzan tratamendu handiena eman behar zaion hizkuntza, hizkuntza gutxitua da, honela, beste hizkuntza gizartean erraz barneratzen den bitartean, hizkuntza gutxituak hezkuntzaren ezinbesteko indartzea behar du, baina erreforma hauekin printzipio hauen aurka joaten da.

Hona hemen zenbait informazio gehigarri

Voki: Ura aurrezteko pausoak.

Get a Voki now!


Helburu  didaktikoak:

Munduko ekologiaren iraunkortasuna bermatzen ikastea.

Egunerokotasunak lurreko ekologian duen eraginaz jabetzea

Bakoitzaren akzioak batuz, gauza handiak egin daitezkeela konturatzea.

Abantailak:

Formato entretenigarriago bat erabiltzeak, gaiari buruzko interes handiagoa piztea dakar.

Arreta jartzea errazagoa eta gustokoagoa egingo zaie.

Baliabideak:

Interneteko konexioa daukan ordenagailu batekin nahikoa da baliabide hau erabiltzeko, izan ere, Voki-ren web orrian erregistratzearekin eta aurretik porta elektroniko kontu bat edukitzearekin nahikoa izango zaigu.